صحرا نوردی اپنی بڑھی یہاں تلک کہ اب

صحرا نوردی اپنی بڑھی یہاں تلک کہ اب

پھیلایا بعد مرگ بھی باہر کفن کے پاؤں

ہاں اے کمند زلف کچھ امداد چاہیے

جا کر پھنسا ہے قعر میں چاہ ذقن کے پاؤں

اس آہوئے رمیدہ کا ہم پا، ہے دل مرا

اس کی چلن نے دل کو کیا جیون ہرن کے پاؤں

ہے فرش راہ دیدۂ نرگس، اگرچہ وے

رکھتے نہیں ہیں اس پہ بھی اندر صحن کے پاؤں

کم خواب آنکھیں ہوگئیں حسرت میں آپ کے

آنکھوں پہ آکے رکھیے گل و نسترن کے پاؤں

تشریف لا کے خانۂ دل آباد کیجیے

یا پاس رکھئے نصرؔ کے بیت الحزن کے پاؤں