نظر میں جس کی پھرتی ہووے اس خونخوار کی صورت

نظر میں جس کی پھرتی ہووے اس خونخوار کی صورت

اسے ہرگز نہ خوش آوے گل و گلزار کی صورت

بغیر از روئے زیبا کے جہاں کا آئینہ خانہ

نظر آتا ہے آنکھوں میں در و دیوار کی صورت

بہا جاتا ہے خوں آنکھوں سے اس کی یہ نشاں تو ہے

وگرنہ کون پہچانے ترے بیمار کی صورت

عرض کیا اور کیا جوہر کوئی ظاہر کوئی مظہر

محقق کہتے ہیں ان سب کو اس دل دار کی صورت

یہ زور عشقؔ ہے بے شبہ ہم بھی تجھ سے کہتے ہیں

ابے سنتا ہے او زاہد ترے انکار کی صورت