ہم دل مٹا کے منزل تسکین پا گیے

ہم دل مٹا کے منزل تسکین پا گیے

اب زندگی کو جینے کے انداز آگیے

کیسے بھلائے جائیں وہ لمحات زندگی

جو بے نپاہیٔ غم ہستی پہ چھا گیے

بربادیاں وہ شدت احسا دے گئیں

غنچہ بھی کوئی چٹکا تو ہم تلملا گیے

سو راستے طلب کو دکھائے امید نے

جب بھی ہوا گمان کہ منزل پہ آ گیے

دنیا میں کس سے مانگیں نگاہ کرم کی بھیک

ہم سے تو حادثات بھی آنکھیں چرا گیے

احساس بیکسی کی نزاکت پہ اک نظر

پھر ان پہ تبصرہ کہ جو دامن بچا گیے

اکثر ہوا ہے یہ بھی کہ پرسان حال بھی

ہمدردیوں سے درد کی شدت بڑھا گیے

وہ چشم التفات گریزاں بھی ہوگئی

اہل وفاصلہ بھی وفاؤں کا پا گیے

اظہارِ غم میں دل کا وہ عالم کہ الاماں

جنبش ہوئی زباں کو تو لب تھرتھرا گیے

آنسو کچھ اس طرح سے چھلک آئے اے نیازؔ

ظالم مری نظر سے مجھے بھی گرا گیے