بہکانے والے بہکائیں، شوق سے اکثر ہم کو، تم کو

بہکانے والے بہکائیں، شوق سے اکثر ہم کو، تم کو

آنا جانا، ملنا جلنا، چھپ کر، کھل کر ہم کو، تم کو

شکر خدا کا چاہیے کرنا، عیش اُٹھا کر ہم کو، تم کو

جس کی تمنا میں ہم تم تھے، وہ ہے میسر ہم کو، تم کو

ربط بڑھے آپس میں ایسا، چین نہ آئے دم بھر اصلا

وقت ہو ناوک، دن ہو خنجر، شب ہو نشتر ہم کو، تم کو

عیش میں حاضر، رنج میں شامل، چھوڑے ساتھ نہایت مشکل

مل نہیں سکتا سچا مونس، دل سے بڑھ کر ہم کو، تم کو

ظلم و ستم کے شکوے کیسے، لطف و کرم کے وعدے کیسے

لیکن حاضر رہنا ہو گا، حشر میں دن بھر ہم کو، تم کو

آنکھوں سے اشکوں کی روانی، یہ طوفاں ایسی طغیانی

کیا جانے پہنچائیں کہاں تک، نوحؔ بہا کر ہم کو، تم کو