پاؤں نہ دور دور بھی اپنی خبر کو میں

پاؤں نہ دور دور بھی اپنی خبر کو میں

پھر ڈھونڈھتا ہوں آپ کی پہلی نظر کو میں

اک اک نگہ میں سینکڑوں تیروں کے وار ہیں

رکھوں کہاں سنبھال کے قلب و جگر کو میں

ایسے گئے کہ زندگی کی شام ہو گئی

لاؤں کہاں سے ڈھونڈ کے گزری سحر کو میں

مدت میں جلوہ گر ہوئے بالائے بام وہ

اس چاند کو میں دیکھوں کہ دیکھوں قمر کو میں

حیرتؔ نگاہ یار نے نہ جانے کیا کیا

حیراں ہوں اب کہاں رہوں جاؤں کدھر کو میں