Font by Mehr Nastaliq Web
Sufinama

دنیائے محبت کو اک دن ہم زیست بداماں دیکھیں گے

پیام سیہالوی

دنیائے محبت کو اک دن ہم زیست بداماں دیکھیں گے

پیام سیہالوی

دنیائے محبت کو اک دن ہم زیست بداماں دیکھیں گے

ہر اشک کو تاباں دیکھیں گے ہر زخم کو خنداں دیکھیں گے

معراجِ یقینِ مستحکم حاصل ہے اگر دیوانوں کو

جب دل میں ارادہ کرلیں گے قدموں میں گلستاں دیکھیں گے

کچھ دن جو رہی یونہی قائم خود داریٔ عزمِ مستحکم

اک روز وہ آئے گا اے دل ان کو بھی پریشاں دیکھیں گے

یہ قیدِ قفس کی تعزیریں جب اپنی حدوں سے گذریں گی

ہر اشک کے رنگیں قطرے میں تصویرِ گلستاں دیکھیں گے

یہ راہِ محبت ہے اے دل دامن نہ چھٹے خود داری کا

پھولوں سے نظر پھیریں گے اگر قدموں میں گلستاں دیکھیں گے

شاداں تھے پیامؔ اپنے دل میں پھولوں سے پھیریں گے دامن کو

کیا اس کی خبر تھی گلشن کو اس طرح سے ویراں دیکھیں گے

مأخذ :

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
بولیے