جس دن سے وہ غارت گرِ ایمان گیا ہے

جس دن سے وہ غارت گرِ ایمان گیا ہے

دل دردِ محبت کا مزہ جان گیا ہے

لوٹا ہے اسی نے مری دنیائے سکوں کو

جو پاس سے بن کر ابھی انجان گیا ہے

بھولے سے بھی وہ رُخ سوئے کعبہ نہ کرے گا

وہ جو کہ ترے در کا پتہ جان گیا ہے

ساقی تری مستی بھری آنکھوں کے تصدق

اک میں نہیں کتنوں ہی کا ایمان گیا ہے

ہرگز وہ کسی غیر کو سجدہ نہ کرے گا

خود اپنی حقیقت کو جو پہچان گیا ہے

وہ کیف تھا ساقی کی نگاہوں میں پیامؔ آج

جس جس نے بھی دیکھا ہے وہ قربان گیا ہے