یارب دوئی کے فکر سے مجھ کو فراغ بخش

یا رب دوئی کے فکر سے مجھ کو فراغ بخش

وحدت کے مے کدہ سے لباب ایاغ بخش

اندھارے میں پڑا ہوں کثرت کے وہم سے

وحدانیت کا لطف سوں روشن چراغ بخش

رستا حضور تیری کا میرے سے بھل گیا

اپنی طرف توں آپ کرم کر سراغ بخش

غنچہ صفت ہے جی میرا حرص و ہوس سے تنگ

اپنے عشق کا لالہ کے مانند داغ بخش

مردار دوست زاغ مثل ہے میری طبع

بلبل مثال دل کوں میرے شوق باغ بخش

توحید کے چمن میں کھلے پھول رنگ رنگ

عین الیقیں کی بو سے معطر دماغ بخش

خم صاف صبغتہ اللہ وحدت وجود سے

بیدلؔ کے روح کوں شرف الضباغ بخش