منصور لفظ من میں ہے بے اختیار محض

منصور لفظ من میں ہے بے اختیار محض

وہ وصف خویشتن میں ہے بے اختیار محض

کہتا تھا با یزید انا اللہ فاعبدون

جو محو تھا سجن میں ہے بے اختیار محض

عطارؔ من خدا کا نکارا بجایا خوب

عارف ایسے سخن میں ہے بے اختیار محض

ظاہر تھا قم باذنی خدا کی زبان سے

شمس الحق اس بچن میں ہے بے اختیار محض

بسمل صفت پھڑکتی ہے پہلو میں دل مدام

وہ پسند سے اگن میں ہے بے اختیار محض

دل بے قرار بیدلؔ جب سے کہ پھنس گیا

اس زلف پر شکن میں ہے بے اختیار محض