اپنی بربادی کا شکوہ دل ناشاد نہ کر

اپنی بربادی کا شکوہ دل ناشاد نہ کر

اس نے توڑے ہیں ستم بھول بھی جا یاد نہ کر

میں تو اٹھا ہوں تمناؤں کا طوفاں لے کر

آرزو کہتی ہے چپ ہو یہاں فریاد نہ کر

یاد آئیں گے بہت اہل قفس اے صیاد

حافظہ چھین لے پر نوچ یا آزاد نہ کر

میں نے گم نامی کا اوڑھا ہے لبادہ اے دوست

لوگ پہچان لیں ایسی کوئی بیداد نہ کر

ڈبڈبا آئی آنکھیں دم رخصت قیصرؔ

کتنا دل دوز تھا وہ سانحہ اب یاد نہ کر