زمیں تھی پیشتر تجھ سے نہ پہلے آسماں پیدا

زمیں تھی پیشتر تجھ سے نہ پہلے آسماں پیدا

تصدق تجھ پہ ہونے کو ہوا سارا جہاں پیدا

ادائے حسن بیباکی شعار عشق گستاخی

خدا جانے ہوا کیوں کر حجاب درمیاں پیدا

نکل آتا ہے تیرا ذکر غم بھی ساتھ دنیا کے

ہوا کرتی ہے اکثر داستاں سے داستاں پیدا

تجھے حاجت نہیں ہے قم باذن اللہ کہنے کی

تری ٹھوکر سے ہوتی ہے حیات جاوداں پیدا

لحد میں روح میر و میرزا کو رشک ہے نشترؔ

کیا ہے حضرت افقر نے وہ حسن بیاں پیدا