صباحت وہ جو فردوس نظر ہے روئے جاناں میں

صباحت وہ جو فردوس نظر ہے روئے جاناں میں

نہیں ملتی ہے ڈھونڈے سے بھی اس مہر درخشاں میں

یہ آرائش یہ زیبائش یہ رنگینی یہ شادابی

تمہارے ہی سے ہے بہار آئی گلستاں میں

تمہارے نور کا پرتو جدھر دیکھا ادھر پایا

قمر میں لعل میں گوہر میں خورشیدِ درخشاں میں

جمالِ حسن یوسف پر تھیں ایک پردہ نشیں شیدا

تمہارے روئے انور پر کٹے سر وہ بھی میدان میں

یہی جنت تو جنت ہے کہ یہ جنت کی جنت ہے

ہزاروں جنتیں آکر بسی ہیں کوئے جاناں میں

الہیٰ ! قطبؔ کو صدقہ ملے تیرے پیمبر کا

عطا وہ بات ہو جو بات تھی خالد میں سلمان میں