ہر اک ذرہ میں کردے وسعت کون ومکاں پیدا

ہر اک ذرہ میں کردے وسعت کون ومکاں پیدا

جنوں میں سر کو ہے ذوق سجود آستاں پیدا

جہاں بھی بے خودی میں سر کو رکھ دیتا ہے دیوانہ

جبین سجدہ کردیتی ہے ان کا آستاں پیدا

اسیری میں رہائی ہے رہائی میں اسیری ہے

نشیمن میں قفس پیدا قفس میں آشیاں پیدا

نئے جادے نئی راہیں نئی منزل نئے جلوے

کئے جاتی ہے ہر اک گام سعیٔ رائیگاں پیدا

کوئی تنہائی میں ہوتا ہے آکر انجمن آرا

بھری محفل میں ہوتی ہیں رضیؔ تنہائیاں پیدا