مرغِ دل کوچۂ سفاک میں رکھا کیا ہے

مرغِ دل کوچۂ سفاک میں رکھا کیا ہے

دام میں جس سے پھنسے کوئی وہ دانہ کیا ہے

جس میں کینہ ہو بھرا سنگ ہے سینہ کیا ہے

مجھ سے منہ پھیر لیا آپ کو سوجھا کیا ہے

مجھ سے کیوں نفرت ہے کیوں پیار ہے اس سے اتنا

غیر سا میں بھی ہوں انساں مجھے سمجھا کیا ہے

غش ہوا تم کو جلا طور جو پردہ اٹھا

ہاں بتائیں تو کلیم آپ نے دیکھا کیا ہے

ہے خبر گرم کہ رفعتؔ کو کریں گے وہ قتل

آؤ دیکھیں تو سہی آج تماشہ کیا ہے