رندوں کے لئے مے خانے کی ہر رسم عبادت ہوتی ہے

رندوں کے لئے مے خانے کی ہر رسم عبادت ہوتی ہے

دلبر کو بٹھا کر پیش نظر چہرہ کی تلاوت ہوتی ہے

وہ علم شریعت ہے واعط جس نے بھی پڑھا اسے سند ملی

جو مکتب عشق میں آ جائے مشکل میں اجازت ہوتی ہے

اک رند نے مجھ کو بتلایا نہ جنت ہے نہ باغ ارم

جس خاک پے دو دل پیار کریں وہ خاک ہی جنت ہوتی ہے

بے کار شکایت کیا معنی اک بات پتے کی کہتا ہوں

آنکھوں کو عبث بدنام کیا سب دل کی شرارت ہوتی ہے

ہے تجھ پے کرم اک سورت کا تجھے قادریؔ کچھ پہچان نہیں

تو اس کی حقیقت کیا جانے کیا چیز محبت ہوتی ہے