شرر طور ہے جو موج ہے پیمانے میں

شرر طور ہے جو موج ہے پیمانے میں

بجلیاں کوندھتی ہیں آج تو مے خانے میں

ایک خوشے کے برابر نہیں میخانے میں

خم میں جو ہے وہ ہے انگور کے ہر دانے میں

چھیڑئیے یوں دل وابستہ شگفتہ ہو جائے

لطف کھلنے میں ہے یا پھول کے مرجھا نے میں

اور بھی چاند کی شکلیں ہیں نہیں آپ نہ ہوں

نور کی شمعیں نہیں روشن مرے کاشانے میں

دے دے تو میری جوانی تیرے صدقے ساقی

ہے وہ تیرے چھلکتے ہوئے پیمانے میں

لطف ہے دیر و حرم دونوں سے مجھ کو اے شیخ

دل ہے کعبہ میں مرا جاں بت خانے میں

نہیں پڑتے ہیں زمیں پر جو ترے نقش قدم

کیوں اڑے رنگ حنا غیر کے گھر جانے میں

رزق ملتا ہے در حضرت ساحرؔ سے ریاضؔ

جام چھلکاتے ہیں بیٹھے ہوئے مے خانے میں