شروع میں نے کیا ہے نام لے کر آپ کا یا رب

شروع میں نے کیا ہے نام لے کر آپ کا یا رب

تمنا ہے مری سن لیجے میری التجا یا رب

دیا توحید کا اس ملک میں روشن کیا ہم نے

حفاظت توہی کر اس کی ہواؤں سے بچا یا رب

ترے دیدار کی دل میں تمنا جب بھی جاگی ہے

جھکا کر سر کو سجدے میں تجھے دیکھا کیا یا رب

کسی کے سامنے میں ہاتھ پھیلاؤں یہ ناممکن

تو ستر ماؤں جیسا ہے مجھے دے آسرا یا رب

میں بھوکا پیاسا مر جاؤں مجھے کچھ غم نہیں اس کا

یہی ہے آرزو ایمان پر ہو خاتمہ یا رب

تری چشم کرم جب تک نہ ہوگی تیرے تنہاؔ پر

نبھا سکتا نہیں وہ وعدۂ قالو بلیٰ یا رب