بتا بندے میں وہ نکتہ کہاں ہے

بتا بندے میں وہ نکتہ کہاں ہے

کہ جس نکتہ میں خود بندہ نہاں ہے

نہ سمجھا آج تک کلمے کی کل کو

یہی وہ کل ہے جس سے کل عیاں ہے

اگر ہے فاصلہ کچھ عبد ورب میں

تو پھر دونوں میں کیا شئے درمیاں ہے

بنا دیکھیں پڑھیں لاحول کس پر

وہ آخر کون ہے کیا ہے کہاں ہے

میں سمجھا وہ ہیں وہ سمجھے کہ میں ہوں

وہ اِن کا وہم یہ میراں گماں ہے

لکھا ہے غیب پر ایمان لاؤ

بتاؤ غیب کیا شئے ہے کہاں ہے

دوئی کی توڑدو دیوار رضواںؔ

یہی کمبخت ہے جو درمیاں ہے