اس لیے سارا جہاں زیرِ اثر رکھتے ہیں

اس لیے سارا جہاں زیرِ اثر رکھتے ہیں

صرف اور صرف ہم اللہ کا ڈر رکھتے ہیں

عشق والے ہیں زمانے کی خبر رکھتے ہیں

حسن تم رکھتے ہو ہم حسنِ نظر رکھتے ہیں

وقت آنے دو کہیں کے نہ رہیں گے وہ بھی

جو ادھر ہوتے ہوئے خود کو ادھر رکھتے ہیں

کیسے بے رحم ہیں اس دور کے ظالم صیاد

جو پرندوں کے یہاں کاٹ کے پر رکھتے ہیں

چونک مت جان لے دیوانے حکیمیؔ ہیں ترے

تجھ سے زیادہ ترے بارے میں خبر رکھتے ہیں