وہ کعبہ میں ہے سالکؔ اور نہ بت خانے میں ہے

وہ کعبہ میں ہے سالکؔ اور نہ بت خانے میں ہے

جلوہ گاہِ ناز اس کی دل کے کاشانے میں ہے

امتیازِ کفر وایماں مٹ گیا سب عشق میں

ہم نےکعبہ میں وہی دیکھا جو بتخانے میں ہے

دل سے محروم سکوں تیرے کرم کے باوجود

آج یہ کیا بات ساقی تیرے میخانے میں ہے

حسن مجبورِ تغافل عشق مجبورِ وفا

ایک مجبوری کا عالم سارے افسانے میں ہے

رہروانِ عشق کو اپنا پتہ ملتا نہیں

یا الٰہی کتنی وسعت دل کے ویرانے میں ہے

ایک عالم ہورہا ہے غرقِ موج کیفِ مئے

چشمِ ساقی کارفرما آج میخانے میں ہے