جانتا ہے راز یہ سارا زمانہ جان جاں

جانتا ہے راز یہ سارا زمانہ جان جاں

آپ کا بس آپ کا ہوں میں دوانہ جان جاں

آپ ہی کے دم قدم سے زندگی میں ہے بہار

آپ ہی سے ہے میسر آب و دانہ جان جاں

اضطرابی سی ہے اپنی کیفیت میں آج کل

ڈھونڈتا ہوں آپ کے دل میں ٹھکانہ جان جاں

سننے والوں کی چھلک اٹھتی ہیں آنکھیں بزم میں

دل کا جب بھی چھیڑتا ہوں میں فسانہ جان جاں

آپ کا تھا، آپ کا ہوں، آپ کا بن کر رہوں

اور سدا قائم رہے دل کا یگانہ جان جاں

بالمقابل آپ کا ہونا ہے، بس اس واسطے

چاہیے نازاںؔ ! کو کوئی اک بہانہ جان جاں