وہ بدنصیبؔ ہوں صفدر کہ میں جہاں ہوتا

وہ بدنصیبؔ ہوں صفدر کہ میں جہاں ہوتا

یہی زمین یہی دور آسماں ہوتا

ہمارے سجدوں کا اس پر اگر نشاں ہوتا

مزے کی چیز ترا سنگ آستاں ہوتا

ہزاروں پردے تھے لیکن نہ تو نہاں ہوتا

یہ راز دل جو میرا قابل بیاں ہوتا

نہ روکتا کبھی ہم سے نہ سرگراں ہوتا

ہمارے درد سے واقف جو پاسباں ہوتا

وہ اٹھ گیا مری بالیں سے خود ہی خیر ہوئی

کہ آنکھیں نزع میں پھرتیں تو بدگماں ہوتا

ہرا بھرا تھا چمن اس کو پھونکتا نہ فلک

نہ گرتی برق جو میرا نہ آشیاں ہوتا

رہ طلب میں فنا ہوکے خاک ہوجانا

مرا غبار مگر گرد کارواں ہوتا

دکھاتیں رنگ تری خوش نوائیاں صفدرؔ

ترے ہنر کا اگر کوئی قدرداں ہوتا