na rota zar zar itna na karata shor-o-shar itna

na rotā zaar zaar itnā na karatā shor-o-shar itnā

ilāhī kyā karūñ dard-e-jigar itnā jigar itnā

hamāre vāste ta.ane sunā karte ho ġhairoñ ke

tumhārā bhī dil itnā hausla itnā jigar itnā

taḌap jaane lagā dil ab to har ik shai kī ḳhūbī par

na de dushman ke dushman ko ḳhudā zauq-e-nazar itnā

tire āshiq kī sūrat ab to pahchānī nahīñ jaatī

satāte haiñ bhalā is tarah aisā is qadar itnā

ḳhudā ke vāste insāf kar o rūThne vaale

taġhāful sheva-e-mā'shūq hai zālim magar itnā

hameñ ma.alūm hai ye bhī tujhe ma.alūm hai sab kuchh

hameñ us kī ḳhabar bhī hai nahīñ tū be-ḳhabar itnā

nahīñ milte to kah do aur milnā hai to mil jaao

koī kab tak phire kūcha ba-kūcha dar badar itnā

'safī' kyuuñ qadr kā tālib huā hai is zamāne meñ

are kam-baḳht tere paas kab hai māl-o-zar itnā

na rota zar zar itna na karata shor-o-shar itna

ilahi kya karun dard-e-jigar itna jigar itna

hamare waste tane suna karte ho ghairon ke

tumhaara bhi dil itna hausla itna jigar itna

taDap jaane laga dil ab to har ek shai ki KHubi par

na de dushman ke dushman ko KHuda zauq-e-nazar itna

tere aashiq ki surat ab to pahchani nahin jati

satate hain bhala is tarah aisa is qadar itna

KHuda ke waste insaf kar o ruThne wale

taghaful shewa-e-ma'shuq hai zalim magar itna

hamein malum hai ye bhi tujhe malum hai sab kuchh

hamein us ki KHabar bhi hai nahin tu be-KHabar itna

nahin milte to kah do aur milna hai to mil jao

koi kab tak phire kucha ba-kucha dar badar itna

'safi' kyun qadr ka talib hua hai is zamane mein

are kam-baKHt tere pas kab hai mal-o-zar itna