مجھ کو دیوانگی اب لے کے کدھر جائے گی

مجھ کو دیوانگی اب لے کے کدھر جائے گی

ہوگی رسوائی اگر یار کے گھر جائے گی

میری پھوٹی ہوئی قسمت نہ سنور پائی مگر

یہ تری زلف جو بکھری ہے سنور جائے گی

ایسا لگتا ہے مری آرزو میرے ہمدم

دل میں پیدا ہوئی اور دل میں ہی مر جائے گی

پھر ہوئی شام سیاہی پہ شباب آیا ہے

پھر غضب دل پہ تری یاد بھی کر جائے گی

نہ مسکرا کے یہ برسات میں لو انگڑائی

برق دیکھے گی تو غیرت سے ہی مر جائے گی

ساقیا غم نہیں خالی ہے جو ساغرؔ میرا

یاد اشکوں سے تری آنکھ تو بھر جائے گی