سرِ محشر بچائی آبرو آقا نے امت کی

سرِ محشر بچائی آبرو آقا نے امت کی

کہ بیڑا پار موجوں نے کیا بحرِ شفاعت کی

حقیقت تجھ پے کھل جائے گی واعظ زہد و طاعت کی

کرے گی عاصیوں پر جب نظر وہ شان رحمت کی

مٹا ہے کفر و ظلمت کا نشاں اس بزم ہستی سے

سیہ خانہ میں پھیلی روشنی شمع رسالت کی

میرے سینے میں وہ برق تجلی کارفرما ہے

کہ اس میں روشنی پہونچی ہے انوار ولایت کی

سخی دربار ہے تیرا یہ سنتے ہیں لڑکپن سے

نظر سجادؔ پر شاہا رہے لطف و عنایت کی