محبت ہی فنا کے بعد بھی بہ روئے کار آئی

محبت ہی فنا کے بعد بھی بہ روئے کار آئی

نہ مجھ کو دیں راس آیا نہ دنیا ساز گار آئی

مرے ناکام ہوتے ہی وفا بروئے کار آئی

حریم حسن سے آخر نوید اعتبار آئی

پریشاں ہو گیا محشر پریشاں دیکھ کر مجھ کو

یہاں بھی کام مری خاطر آشفتہ کار آئی

وداع گردش ایام تھا ترک چمن میرا

نہ پھر شام خزاں آئی نہ پھر صبح بہار آئی

جنوں نے خیر مقدم کر کے رکھ لی شرم رسوائی

ابھی جنت سے نکلے تھے کہ تری رہ گزار آئی

یہ حسرت تھی کہ داغ دل کی لو جلدی بھڑک اٹھی

یہ قسمت تھی کہ اب کے دیر میں فصل بہار آئی

دو روز اک شان سے سیمابؔ مصروف تجلی ہیں

سمجھ میں آج وجہ انقلاب روزگار آئی