یہ کس پہ ظلم و ستم کے گزر گئے ایام

یہ کس پہ ظلم و ستم کے گزر گئے ایام

ستون عرش فغاں سے ہے لرزہ بر اندام

نہ کیوں ہو ضرب ولائے محمدی میں اثر

جب ایک ضرب کلیمی سے پھوٹے بارہ جام

اے ذاہب شبِ اسریٰ انہیں قبول کریں

ہماری ساری ریاضت حضور آپ کے نام

گدائے آں در والا منم، زہے تقدیر

جہاں پہ جاہ و حشم آ گئے ہیں بن کے غلام

کوئی تو ہو کہ جو مجنوں کا مرتبہ سمجھے

کوئی تو ہو کہ جپے صبح و شام ایک ہی نام

بشکل عین جھکائے ہوئے سروں کو ہم

جہاں کو دیکھتے ہیں یوں کہ ہو پیالہ جام

یہیں سے ہونی ہے جاویدؔ اپنی شادابی

ہزاروں بگڑے ہوئے بنتے ہیں یہیں سے کام