ناز سے کہتے ہیں کس نے مرا جلوہ دیکھا

ناز سے کہتے ہیں کس نے مرا جلوہ دیکھا

دیکھنے والوں میں جب ہوش نہیں کیا دیکھا

نہ سنا غیر کا قصہ تو سنی بات تری

آنکھیں جب پھیر لیں سب سے ترا جلوہ دیکھا

طلب یار میں اللہ رے وحشت اس کی

دل شوریدہ نے کعبہ نہ کلیسا دیکھا

آ کے کہنے لگے میت پہ کہ جلدی کیا تھی

جائیں جائیں بس آپ کو دیکھا دیکھا

یہ نہیں یاد کہ ہے کب سے محبت لیکن

ایک مدت سے دل زار کو شیدا دیکھا

پڑھ کے خط اور وہ بیزار ہوئے مجھ سے

دیکھا دیکھا مری تقدیر کا لکھا دیکھا

غیر میں عشق کا اس گل کے اثر ہو نہ شفیعؔ

اک کھٹک ہے کہ اسے سوکھ کے کانٹا دیکھا