ہے موجِ زن غم میرے جذبات کا عالم

ہے موجِ زن غم میرے جذبات کا عالم

آنکھوں سے عیاں کیوں نہ ہو برسات کا عالم

مضطر نہ مجھے کیوں کرے جذبات کا عالم

بے کیفئ دل اور یہ برسات کا عالم

تیرے رخِ پر نور میں ہے صبح کا منظر

ہے کا گل شبگوں میں تری رات کا عالم

نظروں سے جو روپوش ہو وہ غیرتِ خورشید

مسرور کرے کیا مجھے برسات کا عالم

وہ لطف ملاقات، یہ آزار و غمِ ہجر

اس دن کا سماں او پھر اس رات کا عالم

ماتھے پہ چمکتے ہوئے جگنو کا وہ منظر

یہ دیدۂ پر اشک سے برسات کا عالم