کس کس کی نظر میں مری جاں آپ نہیں ہیں

کس کس کی نظر میں مری جاں آپ نہیں ہیں

کیا آپ یہ فرماتے ہیں ہم پردہ نشیں ہیں

آنکھوں ہی کا پردہ ہے مگر دوری ہے کتنی

ہم خاک نشیں ہو گئے وہ عرش نشیں ہیں

چاٹا کریں افلاک کے تاروں کو فرشتے

وہ مالک کونین ہیں جو خاک نشیں ہیں

یہ جلوۂ دیدار نے بے ہوش کیا ہے

محفل میں تری یوں ہیں کہ محفل میں نہیں ہیں

حق تو یہ ہے اچھوں سے جہاں ہو گیا خالی

دنیا میں اب اللہ کے بندے بھی نہیں ہیں

دیکھا تیری آنکھوں کو تو کھوئے گئے ایسے

اب تک نہ پتہ اس کا لگا ہم بھی کہیں ہیں

دیکھے بھی کوئی غور سے آنکھیں بھی ہوں اکبرؔ

اللہ تو خود کہتا ہے ہم تجھ سے قریں ہیں