ہر دم گذرتے رہتے ہیں تیری گلی سے ہم

ہر دم گذرتے رہتے ہیں تیری گلی سے ہم

غافل کبھی ہوئے نہ تری بندگی سے ہم

سوچا تھا راز دل نہ کہیں گے کسی سے ہم

آنکھوں پہ سب کی چڑھ گئے تر دامنی سے ہم

قدموں کو چوم لے کہ ہے طیبہ کا قافلہ

اے چاند یہ کہیں گے تری چاندنی سے ہم

ہر اک قدم پہ سر کو جھکاتے چلے گئے

جب بھی گذر سکے ہیں تمہاری گلی سے ہم

حسرت بھری نگاہ ہے رخ پر جمی ہوئی

شکوہ بھی کر رہے ہیں تو کس خامشی سے ہم

جانا ہے شاہؔ ساقیٔ کوثر کے سامنے

توبہ کبھی کریں گے نہ بادہ کشی سے ہم