نگاہِ بوالہوس کیا پڑ سکے گی روئے روشن پر

نگاہِ بوالہوس کیا پڑ سکے گی روئے روشن پر

ہیں پردے سیکڑوں تارِ نظر کے ان کے چلمن پر

سکون و صبر و تسکیں ہو گئے سب جل کے خاکستر

وہ ہنس ہنس کر گرائی تم نے بجلی دل کے خرمن پر

کہاں کی دشمنی اس دل جلے سے ہے تجھے گردوں

کہ جب بجلی گراتا ہے تو میرے ہی نشیمن پر

کبھی پر نوچتا ہے، گہہ قفس میں بند کرتا ہے

نہ کر صیاد ظلم اتنا نوا سنجانِ گلشن پر

بجائے گل، ہرن یاں نرگسی آنکھیں بچھائیں گے

کریں گے غولِ صحرائی، چراغاں میرے مدفن پر