جس طرف بھی قدم اہل نظر جاتے ہیں

جس طرف بھی قدم اہل نظر جاتے ہیں

کاروانِ غم و آلام ٹھہر جاتے ہیں

اثر ضرب تو ہر وقت رہے گا تازہ

بات زخموں کی نہیں زخم تو بھر جاتے ہیں

حرم و دیر سے رندوں نے اٹھایا بستر

دیکھنا یہ ہے کہ آخر یہ کدھر جاتے ہیں

ضبط گریہ ہے کہ تعظیم محبت ساقی

اشک امنڈتے ہوئے پلکوں میں ٹھہر جاتے ہیں

طائرانِ ہوس درہم و دینار جہاں

سر زمیں غالب شہباز کی چر جاتے ہیں

جلوۂ صبح و مسا سامنے آ جاتا ہے

رخ پر نور پہ جب زلف بکھر جاتے ہیں

قہقہوں میں کہیں ہونے لگی تعمیر ادب

حضرتِ داغ بھی بے موت کے مر جاتے ہیں

امر تحقیق و تقلید کا کھل جاتا ہے

اہل دل آتے ہیں اور اہل نظر جاتے ہیں

شکوۂ ہجر ہے توہینِ محبت سالکؔ

پئے انفاس وہ آتے ہیں گزر جاتے ہیں