جمالِ پاک کے جلوے کو منتشر دیکھا

جمالِ پاک کے جلوے کو منتشر دیکھا

انہیں کو دیکھا جدھر پھیر کر نظر دیکھا

جھلک رہا تھا یہ سورج وجود سے پہلے

عدم کی شام میں بھی جلوۂ سحر دیکھا

زہے عروج کہ پہنچے ہیں عرشِ اعظم پر

بلا کے ان کو خدا جانے کس قدر دیکھا

دل و دماغ میں بس کر رہا ہے حسنِ لطیف

کہ جس نے ایک نظر دیکھا عمر بھر دیکھا

جگہ بدلتی ہے جب حکم بھی بدلتا ہے

پیام بھیجنے والے کو نامہ بر دیکھا

انہی کا درد، انہی کی تلاش ہے محمودؔ

نظر نظر کو ہے جانچا جگر جگر دیکھا