کوئی کب تک صبر آموزِ لب فریاد ہو

کوئی کب تک صبر آموزِ لب فریاد ہو

داد کے بدلے علی الاعلان جب بیداد ہو

دل لگا کر تم سے دیوانہ بنے برباد ہو

جانِ شیریں کیوں گنوائے کیوں کوئی فرہاد ہو

کیا یہی شرطِ وفا ہے کیا یہی انصاف ہے

میں مٹایا جاؤں میری خاک بھی برباد ہو

وجہِ تسکینِ دل مضطر ہو کچھ تو ہجر میں

تو نہیں تو غم غلط کرنے کو تیری یاد ہو

میرے مرنے کی خبر سن کر وہ بولے یا خدا!

یہ خبر جھوٹی ہو یہ افواہ بے بنیاد ہو

جس طرح مجھ کو مٹایا ہائے اس بے رحم نے

کوئی دشمن بھی نہ یارب اس طرح برباد ہو

ہوتی ہے محسنؔ کے بعد پھر راحت نصیب

یہ طریقہ خوب ہے ناشاد بن کر شاد ہو