یاد اُن کی ہے دل ناکام میں

یاد اُن کی ہے دل ناکام میں

ہے یہی صہبا ہمارے جام میں

زلف جاناں میں ہے جب سے دل اسیر

کٹ رہی ہے زندگی آرام میں

خوگررنج و الم جب ہوچکا

اب سکوں کیسا دل ناکام میں

ماسوا سے ہم نے آنکھیں پھیر لیں

تھی کششِ ایسی کسی کے نام میں

آخری دم ہے لبوں پر جان ہے

کچھ سنیں تو آپ صبح و شام میں

زندگی کی تلخیاں ہم کیا کہیں

کٹ رہی ہے رنج میں آلام میں

ڈھونڈتے ہو آہ کیا دل کو اثرؔ

وہ تو جا بیٹھا کسی کے دام میں