Sufinama

پہنچا ہے جب سے عشق کا مجھ کو سلام خاص

شاہ رکن الدین عشقؔ

پہنچا ہے جب سے عشق کا مجھ کو سلام خاص

شاہ رکن الدین عشقؔ

MORE BY شاہ رکن الدین عشقؔ

    پہنچا ہے جب سے عشق کا مجھ کو سلام خاص

    دل کے نگیں پہ تب سے کھدایا ہے نام خاص

    پھولے نہیں سماتے ہو جامہ میں مثل گل

    پہنچا ہے تم کو آج کسو کا پیام خاص

    مے خانہ میں خودی کو نہیں دخل شیخ جی

    بے خودی ہوا ہے جن نے پیا ہے وہ جام خاص

    پھر گرد اس کے ذوق سے اے مرغ جاں تو سن

    پھر قصد بیٹھنے کا نہ کیجو ہے نام خاص

    کر قتل شوق سے میں تصدق ہوا ہوا

    سرکار نہیں ہے فکر جو ہوا انتظار خاص

    سب پھانسیوں سے کر مجھے آزاد اے خدا

    تا روز حشر ہوں میں گرفتار دام خاص

    اس پر نگاہ لطف کی یا شاہ ہے ضرور

    مشہور ہے جہاں یہ تیرا غلام خاص

    حجاب بارگاہ کو یہ حکم ہو رہے

    مانع نہ ہوویں مجھ کو جو ہوا اہتمام خاص

    مانند کوہکن کے وہ سر چیر مر گیا

    جن نے سنا ہے عشقؔ وہ شیریں کلام خاص

    مآخذ:

    • Book : کلیات رکن الدین عشقؔ اور ان کی حیات و شاعری (Pg. 118)
    • Author : قریشہ حسین
    • مطبع : دی آزاد پریس، پٹنہ (1979)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY