میں نہیں کہتا انا الحق یار کہتا ہے کہ بول

میں نہیں کہتا انا الحق یار کہتا ہے کہ بول

کیا کروں لاچار ہوں دل دار کہتا ہے کہ بول

بے دھڑک رمز انالحق اے دلا منصور وار

اب ایہی ہے مصلحت بردار کہتا ہے کہ بول

خوش نہیں افشائے راز دلربا پیش عموم

ہاتف غیبی مجھے اظہار کہتا ہے کہ بول

میں کیا ضبط نفس لیکن ہے مرضی اوس کی یوں

راز پنہاں با در و دیوار کہتا ہے کہ بول

نئیں اتھا ہر چند دل میں جو کہوں خلوت کا بھید

پردہ در ہو آپ او للکار کہتا ہے کہ بول

دھوم سوں فصل بہار آتی ہے اے مطرب چلی

میکدے میں بلبل گل زار کہتا ہے کہ بول

حرف جو رکھتے ہو مجھ پر یہاں مرا کیا اختیار

جام مل کی کیفیت سرشار کہتا ہے کہ بول

مرغ دل بسمل کیا سو کشتگان‌ عشق کوں

آج کا احوال سب خونخوار کہتا ہے کہ بول

چتر سر تیشے کوں کر فرہاد پایا خسروی

او خبر شیریں کو جا کہسار کہتا ہے کہ بول

حاشیہ واحد نہیں رکھتا ہے لیکن ہر نقط

ہندسہ داں داں نقطۂ اسرار کہتا ہے کہ بول

اے ترابؔ مے پرست اوس کیف کی سب کیفیت

محتسب کوں ساقیٔ مے خوار کہتا ہے کہ بول