جانے کیوں روزگار دنیا سے

جانے کیوں روزگار دنیا سے

ہم کو وحشت ہے کار دنیا سے

خواہشوں نے جکڑ رکھا ہے ہمیں

سے نکلیں حصار دنیا سے

اک نہ اک دن نڈھال ہو کے تمہیں

باہر آنا ہے غار دنیا سے

ہم مسافر ہیں آخرش ہم بھی

جائیں گے رہ گزار دنیا سے

اب یہی قبر ہے ترہ مسکن

باہر آ جا خمار دنیا سے

ہم تو دنیا پرست ہیں ہم کیا

دور رہتے مدار دنیا سے

روز اول سے گلشن دل میں

رونقیں ہیں بہار دنیا سے

روح کو بھی تو غسل ہے درکار

اٹ گئی ہے غبار دنیا سے

شادؔ دانستہ کچھ دریدہ دہن

ہیں الگ کار و بار دنیا سے