میری یادوں سے جڑے لوگ کہاں جائیں گے

میری یادوں سے جڑے لوگ کہاں جائیں گے

چھوڑ کر مجھ کو مرے لوگ کہاں جائیں گے

اگلے وقتوں کے سخن ور ہیں بہت خوب مگر

لکھنے والے یہ نئے لوگ کہاں جائیں گے

اپنے دربار میں آنے کو کہا ہے اس نے

یار ہم جیسے کھرے لوگ کہاں جائیں گے

میں کسی طرح پہنچ جاؤں گا منزل پہ مگر

میری دیوار بنے لوگ کہاں جائیں گے

ان کو تشہیر کے میداں سے الگ ہی رکھئے

ایسی باتوں میں بڑے لوگ کہاں جائیں گے

کر کو دنیا کی سمجھ ہی نہیں کوئی اطہرؔ

سوچتا ہوں یہ بھلے لوگ کہاں جائیں گے