ایک مے خوار کو اور کیا چاہیے

ایک مے خوار کو اور کیا چاہیے

جام پیمانہ اور مے کدہ چاہیے

زندگی کا مزا تم کو لینا ہے گر

مے کشو مے کدہ ڈھونڈھنا چاہیے

ایک رند کو دیکھا ہے بت کی طرح

جام پی کر اسے جھومنا چاہیے

جو بھی کہتا ہے کہ میکشی ہے غلط

اس سے اس کی وجہ پوچھنا چاہیے

ایک مے خوار پر طنز کریے مگر

اپنے اعمال بھی دیکھنا چاہیے

جام نوشی کو آسان مت جانیے

اس کی خاطر بھی اک آسرا چاہیے

یوں تو مل جائیں گے لاکھ محبوب پر

مجھ کو محبوب غم آشنا چاہیے

مے کدہ کی نہ برباد ہو آبرو

یہ بھی شارقؔ تمہیں سوچنا چاہیے