کٹی ہیں رو رو کے غم کی راتیں تڑپ تڑپ کے سحر ہوئی ہے

کٹی ہیں رو رو کے غم کی راتیں تڑپ تڑپ کے سحر ہوئی ہے

نہ پوچھیے حال مجھ حزیں کا یہ عمر یوں ہی بسر ہوئی ہے

اٹھے تھے بستر سے شادماں ہم بڑا یہ دھوکا ہوا شبِ غم

چمک تھی زخمِ جگر کی ہمدم اسی کو سمجھے سحر ہوئی ہے

کہاں وہ شب بھر میں ختم ہونا کہاں وہ مل جل کے عمر کھونا

ترے جگر سوختہ کے آگے خفیف شمع سحر ہوئی ہے

کچھ آنکھ نرگس کی بھی ہے پُرنم ٹپک رہے ہیں کچھ اشک شبنم

چمن میں اس کا ہے آج ماتم گلوں میں جس کی بسر ہوئی ہے