دریا میں حبابوں کو یہ بے خبر ی کیوں ہے

دریا میں حبابوں کو یہ بے خبر ی کیوں ہے

سودا نہیں گراں کو شوریدہ سری کیوں ہے

کیا ظلم ہوا آخر دونوں جو ہنسے بولے

برہم گل و بلبل سے بادِ سحری کیوں ہے

گر لے کے رقیبوں کو آتے نہیں وہ اے دل

پھر شاق مرے دل کو یہ خوشخبری کیوں ہے

بوسہ کی طلب ایسی تقصیر نہ تھی کوئی

بے وجہ خفا مجھ سے وہ رشک پری کیوں ہے

آہیں سرِ لب خوں میں ڈوبی ہوئی آتی ہیں

معلوم نہیں یارب پھر بے اثری کیوں ہے

اے شیریںؔ طبیبوں سے پوچھو تو کبھی چل کر

تشخیص تو ہو آخر درد جگری کیوں ہے