اس ماہ رو کو جب سے کہ دیکھا ہے خواب میں

اس ماہ رو کو جب سے کہ دیکھا ہے خواب میں

کچھ نور دیکھتا ہوں نہیں آفتاب میں

زلفیں تمہارے چہرے پہ بکھری ہیں اس طرح

خورشید جس طرح سے چھپا ہے سحاب میں

مخمور چشم مست کا اس کے ہوں ساقیا

دیکھا ہے تو نے نشہ کب شراب میں

ایسا ملیح حسن نہ دیکھا تھا آج تک

یوسف کا حسن گرچہ لکھا ہے کتاب میں

نکلے جو وقت شام وہ میدان میں کبھی

آ جائے ہے تیرگی سی رخ آفتاب میں

اب شاعری کو چھوڑ گداؔ عاقبت کو دیکھ

مطلب کو کہہ جناب رسالت مآب میں