شیشے میں حسیں بادۂ گلفام حسیں ہے

شیشے میں حسیں بادۂ گلفام حسیں ہے

مے خانۂ اسلام کا ہر جام حسیں ہے

محراب کی رونق ہے کوئی زینت منبر

اصحاب محمدؐ کا ہر ایک نام حسیں ہے

فردوس کے باغوں کی بہاروں سے زیادہ

آرام گہہ ساقیٔ اسلام حسیں ہے

اللہ رے تنویر رخ و زلف محمدؐ

ہر صبح فروزاں ہے ہر اک شام حسیں ہے

اے صل علیٰ عارض ساقی کی بہاریں

مے خانہ منور ہے ہر اک جام حسیں ہے

زلفوں کا تصور سلاموں کی ہے بارش

مجبور غم عشق کی ہر شام حسیں ہے

کونین نے پائی ہے حیاتؔ اس سے تجلی

وہ عرش سے بھی جلوہ گہہ عام حسیں ہے