اسے بوسوں سے فرصت ہے نہ اس کو شکوۂ غم ہے

اسے بوسوں سے فرصت ہے نہ اس کو شکوۂ غم ہے

بڑی مشکل میں ہیں دونوں دہن تیرا زباں میری

تم ایسے بے حجابانہ نہ آؤ سامنے میرے

نظر لگ جائے گی تم کو نصیب دشمناں میری

انہیں ضد ہے کہ حال درد دل ہم پر نہ ظاہر ہو

مجھے اصرار ہے اس پر کہ سن لیں داستاں میری

الٰہی کس غضب میں پڑ گیا ہوں ان کو دل دے کر

زمانہ تاک میں ہے گھات میں ہے آسماں میری

کہے گا باغؔ کیا میری طرح میری حقیقت کو

کہاں سے لائے گا قاصد دہن میرا زباں میری