جذب دل بے اثر نہ ہوجائے

جذب دل بے اثر نہ ہوجائے

کہیں نوع دگر نہ ہوجائے

دست شوق ان کی زلف کو نہ سنوار

یہ بلا تیرے سر نہ ہوجائے

یوں سنور کر نہ سامنے آؤ

تم کو میری نظر نہ ہوجائے

ہو کے برہم نہ کھینچ رخ سے نقاب

صبح کو دوپہر نہ ہوجائے

میرے رونے پہ تم نہ ہنس دینا

کہیں آنسو گہر نہ ہوجائے

شب کو وہ آئیں گے مگر ڈر ہے

شام ہی سے سحر نہ ہوجائے

نگہ ناز سے نہ دیکھ مجھے

جان نذر نظر نہ ہوجائے

پھوٹ کر باغؔ آبلہ دل کا

کہیں زخم جگر نہ ہوجائے