دل سے تصویر خیالی جائے گی
دل سے تصویر خیالی جائے گی
اور اس میں جان ڈالی جائے گی
تیری حسرت میرے ارمانوں کے ساتھ
دل کے گہوارے میں پالی جائے گی
حسرتوں کو شوق سے پامال کر
دل کی یہ دنیا بسائی جائے گی
چن رہا ہوں داغہائے دل کو میں
ان کے گھر پھولوں کی ڈالی جائے گی
لاکھ دیکھو آئینہ میں ان کا مثل
کیا وہ شان بے مثالی جائے گی
خوں بہائے گی جو چشم عندلیب
تب گلوں میں کھنچ کے لائی جائے گی
خود نزاکت سے سنبھل سکتے نہیں
تیغ کیا تم سے سنبھالی جائے گی
مأخذ :
- کتاب : تذکرہ شعرائے اتر پردیش جلد دسویں (Pg. 79)
- Author : عرفان عباسی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
