قربانئ سرور کی حقیقت ہی الگ ہے

قربانئ سرور کی حقیقت ہی الگ ہے

اے دوستو یہ راز مشیت ہی الگ ہے

کربل سے جو نکلا ہے بہتر کے لہو سے

اس چشمۂ رحمت کی فضیلت ہی الگ ہے

یوں تو کئی لوگوں نے دی کلمے کی شہادت

اصغر نے جو دی ہے وہ شہادت ہی الگ ہے

سر پر ہے قضا اور لبوں پر ہیں دعائیں

کربل میں بہتر کی جماعت ہی الگ ہے

سب جان بچاتے ہیں مگر حق پہ یہ دیں جاں

یہ آل پیمبر کی روایت ہی الگ ہے

قربان میں سو جان سے تجھ پر غم شبیر

انداز مرا تیری بدولت ہی الگ ہے

دنیا کے ہر اک غم سے تجھے دے گا رہائی

طاہرؔ غم شبیر کی عظمت ہی الگ ہے