یہ سنسار ہے تیری رچنا یہ جگ تیری مایا ہے

یہ سنسار ہے تیری رچنا یہ جگ تیری مایا ہے

مجھ پر پردہ ڈال کے تونے کیسا کھیل رچایا ہے

کتنی سندر کتنی پیاری پھلواری ہے دنیا کی

پھولوں اور کانٹوں نے مل کر کیسا رنگ جمایا ہے

چندرما اور سورج دونوں تجھ سے ہی لیتے ہیں جیوتی

دھرتی اور آکاش پہ تیرے روپ کا اجلا سایا ہے

اجیاروں کے سنگ اندھیرے پھولوں کے سنگ کانٹے ہیں

دن کا ساتھی رین سہانی دھوپ کا ساتھی سایا ہے

تاروں کی لشکار میں تونے پھولوں کی مہکار میں تونے

کیسے کیسے بھیس میں تونے اپنا روپ چھپایا ہے

جس نے تجھ کو من سے چاہا جوت ملی ہے جوتی میں

رنگ میں تیرے جو بھی ڈوبا جوتی جوت سمایا ہے

بستی بستی جنگل جنگل ڈھونڈ ڈھونڈ کر ہار گئے

من مندر کے دوار کھلے تو تیرا درشن پایا ہے

تیری مہما تو ہی جانے اور نہ جانے داتا کوئے

سوچ سوچ کر کھوج کھوج کر ہاتھ یہی کچھ آیا ہے